العقوبة حسب حجم المخالفة، وممكن نطبق أكثر من عقوبة مرة وحدة، بدون إنذار مسبق:
كتم الدردشة (مؤقت أو دائم).
إلغاء نتائج المباريات وسحب العملات واللايكات والجوائز والأوسمة اللي انكسبت بطريقة غير شريفة.
حظر الحساب، مؤقت أو نهائي.
الحظر الشامل: في المخالفات الكبيرة ينحظر المخالف بكل حساباته، ويمنع من الرجوع للعبة.
محاولة التحايل على الحظر بحساب ثاني تعتبر مخالفة جديدة وتنحظر نهائياً.
العملات والمشتريات اللي في حساب محظور ما تنرجع ولا تتعوض.
4. الاعتراض
إذا تشوف إن حسابك انحظر بالغلط، راسلنا خلال 7 أيام من الحظر على alshammiri44@gmail.com واكتب كود لاعبك. نراجع السجلات ونرد عليك. قرار الإدارة بعد المراجعة نهائي.
آخر تحديث: نوفمبر 2026
باستخدامك لعبة Dead Noon أو موقعها أو قنواتها، أنت توافق على هذي الشروط وعلى قوانين اللعب. إذا ما توافق، لا تستخدم اللعبة. Apple ليست طرفاً في هذي الاتفاقية.
الترخيص
نعطيك ترخيص محدود وشخصي وغير قابل للتحويل عشان تلعب للاستخدام الشخصي بس. اللعبة وكل محتواها (الشخصيات، البدلات، الأسلحة، الرسوم، الأصوات، الاسم والشعار) ملك لـ Dead Noon.
حسابك
أنت مسؤول عن حسابك وكل اللي يصير فيه.
حساب الضيف مربوط بجهازك. إذا حذفت اللعبة أو غيرت الجهاز بدون ربط الحساب بـ Apple، يضيع الحساب وما نقدر نرجعه. اربط حسابك بـ Apple عشان تحفظه.
حذف الحساب من الإعدادات نهائي، وما نقدر نرجع الحساب بعد الحذف.
الحساب شخصي، وممنوع بيعه أو تأجيره أو مشاركته. نقل ملكية الحساب ما يصير إلا عن طريق الإدارة.
تعديل الإدارة على حسابك
يحق للإدارة تعدل أي شي في حسابك، مثل الاسم أو الكود (الأيدي) أو العملات أو العناصر أو الرانك أو الإحصائيات أو اللايكات أو الأوسمة، أو تقيّد الحساب أو توقفه.
بس ما يصير أي تعديل بدون سبب. كل تعديل لازم يكون له سبب واضح، مثل مخالفة القوانين أو غش أو خطأ تقني أو تكرار بالكود أو طلب منك.
من حقك تعرف شنو انتغير وليش. أي تعديل على حسابك يوصلك فيه إشعار ببريد اللعبة، يوضح شنو اللي انتغير وسببه.
إذا ما اقتنعت بالسبب، أو تشوف إن التعديل غلط، راسلنا خلال 7 أيام على alshammiri44@gmail.com واكتب كود لاعبك. نراجع السجلات ونرد عليك، وإذا طلع التعديل غلط نرجعه.
العملات والعناصر الافتراضية
العملات والبدلات والأسلحة والأدوات والأيديات عناصر افتراضية داخل اللعبة بس، ما لها قيمة حقيقية، وما تنصرف بفلوس، وما تنتقل لحساب ثاني.
أنت تملك حق استخدامها داخل اللعبة، مو ملكيتها.
ممكن نعدل الأسعار والجوائز والأسلحة وقوة الأدوات وقوانين الترتيب في أي وقت عشان توازن اللعبة.
الترتيب والإحصائيات تبدأ من جديد مع كل سيزون، والجوائز حسب قوانين كل سيزون.
الخدمة
اللعبة تحتاج إنترنت، وممكن تتوقف للصيانة أو التحديث.
التحديثات إجبارية، والنسخ القديمة ممكن تنمنع من اللعب.
نقدم اللعبة "كما هي"، وما نتحمل أي خسارة سببها انقطاع النت أو مشاكل الجهاز.
تعديل الشروط
ممكن نعدل هذي الشروط في أي وقت، والتعديل يمشي من تاريخ نشره هنا. استمرارك باللعب يعني موافقتك.